Ditën e sotme Komisioni i Ligjeve ka miratuar me 12 vota pro, 3 kundër dhe 1 abstenim rikthimin e lojërave të fatit vetëm online.
Ky vendim dhe miratimi u bë vetëm me votat e mazhorancës, pasi opozita votoi kundër.
Rikthimi i lojërave të fatit do të ndodhë pas 4 vitesh kur u mor vendimi për mbylljen e tyre.
Miratimi për rikthimin e basteve sportive vjen si një kërkesë artikuluar edhe nga Tonin Vocaj, Drejtori i Komanduar në Policinë e Shtetit pas largimit të Gledis Nano.
Kryeministri, Edi Rama deklaroi se nëse do të merret një vendim për rihapjen e basteve sportive, ai do të jetë vetëm për bastet online dhe jo sallat dhe makinetat.
Gjithashtu është theksuar se të ardhurat di të shkojnë për kulturën, rininë dhe për sportin.
