RTSH e kanë kapluar shkeljet e rënda të ligjit, pasojat e të cilave po tregojnë qëllimin e vërtetë të Alfred Pezës në krye të RTSH. Burime nga brenda RTSH, na informojnë se ditët në RTSH pas mbledhjes së datës 11 Shtator 2023 të Këshillit Drejtues, nuk kanë qenë aspak të qeta. Goditja që mori nga Këshilli Drejtues e ka tërbuar Alfred Pezën dhe shpurën e tij. Ai e ka humbur qetësinë, duke thelluar paligjshmërinë në të gjitha nivelet e institucionit të RTSH.
Alfred Peza nuk po e drejton veprimtarinë e RTSH në përputhje me kërkesat e Ligjit nr. 97/2013 “Për mediat audiovizive në Republikën e Shqipërisë”, si dhe të Statutit të RTSH. Alfred Peza duhet të përgjigjet për paligjshmërinë në veprimtarinë e RTSH.
Provat shkresore të mëposhtme, e denoncojnë këtë paligjshmëri.
Alfred Peza hap konkursin per Drejtor te zyres juridike
Shikoni dhe lexoni me vëmendje: shkrimtari i romaneve horror, është drejtor juridik që në datën 7 Korrik 2023 (e premte). Ku supozohet qe Kandidate per Drejtor te zyres juridike kishin afat deri me dat 14 Korrik te sillnin dukumentacionin Por me sa duket ky konkurs ishte fals Sepse Drejtori i zyres Juridike ishte perzgjedhur qe me date 7 Korrik 2023.
Ndërkohë, shikoni dhe lexoni me vëmendje këtu:
Ndërkohë : RTSH shpall konkurs për pozicionin “Drejtor” i Drejtorisë Juridike. Dorëzimi i dokumentacionit të kërkuar mund të bëhet pranë zyrës së protokollit të RTSH në adresën Rruga “Ismail Qemali”, Nr. 11, Tiranë ose nëpërmjet postës elektronike në adresën [email protected] deri në datën 14.07.2023 (e premte). Pra, siç e shikoni dhe e lexoni, deri në datën 14 Korrik 2023, pozicioni “Drejtor” i Drejtorisë Juridike është vakant. Apo me sakt duhet te ishte vakant Ja dhe shkresa origjinale ku tregon daten e fundit per kandidatet per pozicjonin e punes Drejtor”i Drejtorisë Juridike.
Ndërkohë që, shkrimtari i romaneve horror Enkelejd Lamaj, bazuar në urdhërin e Alfred Pezës, rezulton Drejtor Juridik që në datën 7 Korrik 2023.
Përmes këtyre dokumentave, provohet se veprimet e Alfred Pezës kanë shkelur parashikimet e Kodit të Punës dhe të Statutit të RTSH, duke sjellë dhe shkeljen e Ligjit nr. 97/2013 “Për mediat audiovizive në Republikën e Shqipërisë”. Alfred Peza ka kryer të njëjtat shkelje ligjore dhe për pozicionet “Drejtor” i drejtorive apo i departamenteve, si dhe për pozicionet “Përgjegjës” i sektorëve në Drejtorinë e Përgjithshme të RTSH apo në Njësinë e Programeve. Këto shkelje ligjore janë të njëjta dhe me shkeljet ligjore për pozicionet “Drejtues” i Njësisë së Programeve dhe i Njësisë së Emisioneve Tematike dhe Lajmeve. Përgjegjësia e Alfred Pezës shtohet edhe më shumë nëse shtojmë dëmin e madh ekonomik që i shkaktohet RTSH, si pasojë e shkeljeve të Alfred Pezës. Është e rëndësishme të kuptohet se përgjegjësi ligjore mbajnë dhe Enkelejd Lamaj dhe të gjithë të tjerët, të cilët kanë ushtruar të drejta e detyra, pa pasur asnjë të drejtë për veprime të tilla. Askush nuk mund t’i ikë përgjegjësisë ligjore.
Shkeljet e medha ligjore të Alfred Pezës, nuk lejojnë vazhdimin prej tij të detyrës së Drejtorit të Përgjithshëm të RTSH. Këshilli Drejtues duhet të ndërmarrë procedurat për shkarkimin e Alfred Pezës nga detyra e Drejtorit të Përgjithshëm të RTSH, në përputhje me parashikimet e Ligjit nr. 97/2013 “Për mediat audiovizive në Republikën e Shqipërisë” dhe të Statutit të RTSH.
