Kryetari i grupit të PD-së, Gazment Bardhi njoftoi sot se opozita do të dorëzojë nesër firmat në Kuvend për ngritjen e tre komisioneve hetimore parlamentare. I pari nga tre komisionet është për “PPP”-të dhe problematikat në shëndetësi.
Për momentin tre janë koncesionet në shëndetësi që ka firmosur Ilir Beqja që janë në hetimin e SPAK-ut, Checkup-i Vilma Nushit, Sterilizimi që deri tani ka çuar disa zyrtarë në burg dhe koncesioni i laboratorëve që i është dhënë biznesmenit Janis Karathanos.
Opozita ka në plan që të thërrasë zyrtarë dhe ish-zyrtarë të lartë që kanë firmosur këto koncesione. E njëjta skemë si në rastin e inceneratorëve që i dha një shtysë të madhe SPAK-ut të vepronte, pasi nxori të palarat.
