Ministria e Jashtme greke ka reaguar sërish për dosjen Beleri duke i treguar edhe njëherë tjetër “dhëmbët” Shqipërisë se do të ketë pasoja për integrimin.
Ministri i Jashtëm Giorgos Gerapetritis u shpreh sot perspektiva evropiane e Shqipërisë lidhet me respektimin e të drejtave të pakicës kombëtare greke.
“Shqipëria duhet të dëshmojë se respekton të drejtat e pakicës kombëtare greke dhe shtetin e së drejtës. Në këto kohë të vështira, një BE e fortë, elastike dhe gjithëpërfshirëse, me synimin e arritjes së autonomisë strategjike, është gur themeli i paqes dhe prosperitetit për qytetarët e saj” tha ai.
Greqia tentoi ta bëjë problem këtë çështje deri në SHBA, por Uashingtoni ja ka prerë shpresat. Një ditë më parë një zëdhënës i DASH nuk u përgjigj fare kur u pyet, ndërsa në një tjetër rast, DASH ka thënë se Shqipëria operon sipas ligjeve të saj.
