Pas 4 muaj hetimesh intensive, Policia e Tiranës, ka kryer një operacion antidrogë duke arrestuar 8 persona dhe shpallur në kërkim një tjetër te Kodra e Diellit.
Të arrestuarit janë Herald Rexhepaj, Viola Bendaj, Arolf Harizi, Arlind Aga, Xhersildo Arifllari, Dashamir Shehu, indrit Gjoshi, Devis Saliaj.
Policia thotë se të arrestuarit në bashkëpunim me njëri-tjetrin, siguronin kokainë dhe kanabis, në sasi të mëdha, dhe më pas i shitnin në zona të ndryshme të Tiranës, kryesisht në afërsi të lokaleve të natës dhe të vendeve që frekuentohen nga të rinjtë.
Po ashtu janë sekuestruar 650 doza kanabis, 150 doza lënde narkotike kokainë, 1 kg kanabis, qindra qese farmaceutike që shërbenin për paketimin e lëndëve narkotike, dy peshore elektronike, dhe pesë telefona.
