Drejtori i Përgjithshëm i RTSH-së, zgjohet çdo mëngjes dhe ngryset çdo mbrëmje me fiksimin e tij për kapjen dhe vendosjen e institucionit në shërbim të vet. Me urdhërat e tij kapriçioze ai shpërfill çdo të drejtë dhe detyrim ndaj statutit të RTSH-së. E gjitha kjo vërtetohet më së miri me emërimet e kryera nga ai , në pozicionet drejtuese të RTSH-së.
Përveç emërimit të Drejtueses së Njësisë së Programeve Bora Xhanija, në po të njëjtën mënyrë pa miratimin e Këshillit Drejtues, para pak ditësh vetë ai , ka prezantuar në redaksinë e lajmeve Drejtuesen e Emisioneve Tematike dhe Lajmeve Znj. Blerta Gjermeni.
Theksojmë që për këtë pozicion pune në një institucion me financim nga taksapaguesit shqiptarë nuk u njoftua dhe as u hap ndonjë garë dhe jo më transparencë meritokracie për këtë pozicion pune. Nuk mund të bënte përjashtim edhe kjo prurje e re e Alfred Pezës në RTSH.
Znj. Gjermeni kulmin e eksperiencës të saj në gazetari ,si shumë të tjerë , do e kishte në shkollën më të famshme mediatike kombëtare dhe ndërkombëtare, “ORA NEWS”.
Për Drejtorin e Përgjithshëm rëndësi ka vetëm bindja pa kushte dhe kompromiset me atë vetë. Për Pezën, nuk ka rëndësi që Drejtuesja e re e lajmeve ka një dekadë në pasivitet të profesionit dhe i takon asaj të caktojë dhe të ndajë punët e një stafi me eksperiencë siç është Televizionit Publik Shqiptar.
Alfred Peza është treguar si një njeri që e pëlqen luksin dhe këtë e ka treguar edhe në padurimin për ta ribërë nga e paradhomën e lajmeve(newsroom) në RTSH me rastin e prezantimit të Drejtueses së re të lajmeve. Për këtë ai pa asnjë proçedurë transparente blerjesh në një institucion publik ka kryer punime civile në dhomën e lajmeve, sigurisht duke përdorur Xhabaftin(të besuarin e punëve që nuk pranon ti bëjë njeri) dhe Drejtorin e Administratës i cili u kishte ushtruar presion punëtorëve të skenës dhe të mirëmbajtjes për të ngritur pesha të rënda në mes të vapës me orar dhe pa orar vetëm me qëllim përgatitjen e aredimit.
Urdhri i dha një “të premte të zezë” siç i quajnë vetë punonjësit të premtet pasi shumë letra për largim Peza i nënshkruan te premteve.Deri të hënën thuajse çdo gjë ishte gati pavarsisht temperaturave te larta dhe orareve të tejzgjatura të punës nga të shkretët punonjes të mirëmbajtjes.
Shkeljet e Pezës vazhdojnë me emërime në administratën e televizionit ku drejtori i sapoardhur ka shtuar në staf magazinierët, në një kohë që RTSH kishte dy magazina dhe dy magazinierë. Me një llogari të thjeshtë ai i ka bërë 4 magazinerë dhe 2 magazina, arsyet e këtij shtimi i dinë vetëm Peza, Drejtoresha Ekonomike Adelajda Zeneli dhe Anila Agalliun duke harruar që kanë të bëjnë me lekët e taksapaguesve shqiptarë. Duket se Drejtori i Përgjithshëm harron që është përzgjedhur të ndryshojë ekranin dhe jo stafin e RTSH-së .
Të gjithë e dinë që përgatitja e një stafi është investimi më i madh që ka një institucion, dhe duke larguar stafin që kishte mbi 20 vjet në punë, Drejtori pretendon të ndryshojë ekranin me elementë të tillë si Drejtoresha e Arkivit Endra Ceci nga Peqini dhe fis i drejtorit e cila vetëm për punë që nuk interesohet por vetëm të shkojë në zyrat e të besuarve të drejtorit për thashetheme dhe kafe.
Rrënimi i RTSH-së vazhdon nën udhëheqjen e Pezës dhe çetës së tij me Anila Agalliun dhe Xhabaftin në komisione Ad Hoc për pushimin pa të drejtë të stafit nga puna. Ky pra, është standarti i ri i Radiotelevizionit Shqiptar ku Anila Agalliu prezanton Përgjegjësin e Operatorëve, Erion Xhabaftin para kameramanëve si një profesionist me eksperienca kombëtare dhe ndërkombëtare, ndoshta pa faj sepse dasmat që ai regjistron organizohen edhe jashtë Shqipërisë( rasti më i fundit në Itali )me pajisjet e RTSH-së dhe me Drejtorin e Prodhimit Vladimit Grori(ish kameraman dhe pa eksperiencë asnjë ditë si drejtues) .Të gjitha këto, Drejtoreshës së Burimeve Njerëzore i duken si aftësi të veçanta në CV-në e tij.
Ekrani i RTSH-së, pret të nisë sezoni i ri me prodhime origjinale, të zgjedhura, miratuara dhe drejtuara nga Bora Xhanija që nuk ka asnjë njohuri apo eksperience me programacionin e një tv. Asnjë spot televiziv për programe tëreja, asnjë lajmerim për emisione apo spektakle gjatë sezonit të ri i cili me datë 4 shtator duhet të fillojë. Arkivi i ndërtuar nga puna dhe profesionalizmi i punonjësve ndër vite po mban peshën e transmetimeve gjatë këtyre muajve dhe duket se do të vazhdojë për një periudhë të gjatë pasi Peza dhe çupëlinat e tij e kanë mendjen të pushojnë të aftët dhe të rrethohen me paaftësinë e sojit të tyre.
Në këtë rast publiku vetëm ka opinion, vendimmarrja është e gjitha në dorën e Këshillit Drejtues të RTSH-së i cili me indiferentizmin e vet po lejon shkatërrimin e Televizionit Publik Shqiptar.Përgjegjësia për ndalimin e kësaj situate i takon atij, le të shohim sa shumë i dhimbset RTSH anëtarëve të këshillit në datë 11 Shtator.
