Kryeministri Edi Rama bëri sot shtatë lëvizje në qeveri me ministra që ikin dhe që vijnë apo shkrirje dhe krijim të ministrive të reja.
Nisur nga e kaluara ku të shkarkuarit e akuzuar publikisht jo vetëm nga opozita, por edhe me dosje në prokurori kanë përfunduar në SPAK, aludimet janë prezentë edhe këtë herë. Dy janë emrat më të përfolur.
Olta Xhaçka dhe Frida Krifça. Ish-ministrja e Jashtme ka dy probleme për të zgjidhur, e para mandati i saj është në diskutim pas vendimit të Gjykatë Kushtetuese që deri tani PS e ka zvarritur në komisione dhe së dyti pasi është marrë në pyetje pak kohë më parë për privatizimin e bazave detare.
Frida Krifca u lakua shumë në media dhe jo vetëm për nisjen e hetimeve nga Brukseli për fondet e IPARD-it.
