Gjendja shëndetësore e ish-kryeministrit Fatos Nano është përkeqësuar.
Gazetarja Gerta Vasku raporton se mjekët kanë vendosur që NANO t’i nënshtrohet një ndërhyrjeje, duke i vendosur një tub në trake, me qëllim që t’i dërgohet një sasi më e madhe oksigjeni në mushkritë e tij.
“Vijon prej më shumë se një jave që ish-kryeministri Fatos Nano të qëndrojë në një spital privat. Ish-kryeministri ndodhet i intubuar në repartin e reanimacionit për shkak të problemeve të tij me mushkritë. Mjekët kanë vendosur që ish kryeministri t’i nënshtrohet një ndërhyrjeje, pra, t’i vendoset një tub në trake me qëllim që t’i dërgohet një sasi më e madhe oksigjeni në mushkritë e tij, për shkak të ngushtuimt të rrugës së frymëmarrjes, çka ka sjellë edhe rëndimin e gjendjes së tij shëndetësore. Burime nga brenda spitalit na konfirmojnë se nuk ka një ndryshim të gjendjes së ish-kryeministrit.
Ai vazhdon të jetë i intubuar në reanimacion dhe nën mbikëqyrjen e mjekëve gjatë 24 orëve”, raportoi gazetarja Vasku.
