Nëse keni menduar të vizitoni Stambollin së shpejti, duhet ta mnedoni dy herë për shkak të këtij rregulli të ri që është vendosur në qytetin turk.
Tashmë, shitja dhe konsumimi i pijeve alkoolike në parqe, plazhe dhe hapësira të tjera publike të hapura në Stamboll, nuk do të lejohet më. Në një deklaratë për shtyp, guvernatori Davut Gul, tha se vendimi është marrë “për të parandaluar ngjarjet që mund të prishin qetësinë dhe sigurinë e qytetarëve”.
Ndalimi nuk vlen për ambientet në vende të hapura publike që tashmë kanë licensë për të shitur alkool, ndërsa gjoba për shkelësit do të jetë 617 lira turke, përafërsisht 21 euro.
Reklamimi i pijeve alkoolike në vitrinat e dyqaneve është gjithashtu i ndaluar në Turqi.
Lajmi tashmë ka ngjallur polemika në mediat sociale dhe shumë përdorues kanë ngritur kritika për ardhjen e ligjit islamik ndërsa të tjerë kanë mbrojtur zgjedhjen.
