Gjykata e Shkallës së Parë Sarandë ka vendosur masën e sigurisë ‘detyrim paraqitje’ për montuesin e ashensorit ku humbi jetën një 17 vjeçar.
Seanca gjyqësore u drejtua nga gjyqtarja Suela Xhani.
Mbi montuesin e ashensorit shtetasin me inicialet L.A rëndon veprën penale “Shkelja e rregullave të mbrojtjes në punë”.
Si ndodhi ngjarja:
17-vjeçari ka humbur jetën në Sarandë më 26 gusht, pasi e zuri ashensori i një klubi të natës ku punonte.
Pas ngjarjes ra në pranga shtetasin L. A, 43 vjeç, si dhe u shpall në kërkim pronarin i klubit S.I, 37 vjeç, të dy banues në Sarandë.
Materialet i kaluan Prokurorisë së Shqipërisë për veprime të mëtejshme për veprën penale “Shkelja e rregullave të mbrojtjes në punë”.
