Në një lokal në lagjen “Nr. 1″, Sarandë është këputur kavoja e ashensorit që përdorej kryesisht për furnizimin e lokalit, duke zënë poshtë të riun.
Paraprakisht mësohet se 17-vjeçari Antonio Delilaj ka qenë duke marrë disa koli ujë nga bodrumi për tek bari dhe ishte brenda ashensorit kur është këputur njëra nga kavot horizontale të tij dhe i ka kapur kokën.
Në këto kushte, u arrestua një 43-vjeçar i cili kishte montuar ashensorin dhe u shpall në kërkim pronari i lokalit, Spiro Iljadhi 37-vjeç për të cilin vijojnë kërkimet intensive.
Materialet i kaluan Prokurorisë për veprime të mëtejshme për veprën penale “Shkelja e rregullave të mbrojtjes në punë” .
