Policia e Tiranës ka vënë në pranga dy persona dhe ka shpallur në kërkim një tjetër pasi u kapën teksa shisnin kanabis në lokalin e tyre.
Dy të arrestuarit janë babë e bir përkatësisht 50-vjeçari me inicialet D. K. dhe 20-vjeçari me inicialet G. K.
Ndërkohë u shpall në kërkim bashkëpunëtori i dy të arrestuarve 28-vjeçari me inicialet E. K.
Nga ky operacion u proceduar penalisht edhe klienti 21-vjeçari me inicialet D. V. pasi dyshohet se ka blerë lëndë narkotike në këtë lokal.
Policia sekuestroi 1 kilogramë lëndë e dyshuar narkotike kanabis, që u gjet gjatë kontrollit në lokal.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
