Ka ndërruar jetë në moshën 76 vjeçare aktori i njohur shqiptar, Xhevat Qorraj.
Lajmi është bërë i ditur përmes rrjeteve sociale nga Betim Qorraj me anë të një postimi të shpërndarë në Facebook.
“I përjetshën qoftë kujtimi për ju! Lamtumirë Xhevat Qorrja”, thuhet në postim.
I njëjti së fundmi ka marrë pjesë edhe në serialin “Rrushe”, në rolin e Farukut.
Qorraj vlen të ceket se i takon gjeneratës së parë të aktorëve kosovarë. Ai gjithashtu nga viti 1972 është punësuar si aktor në Teatrin Kombëtar të Kosovës, dikur Teatri Popullor Krahinor, gjersa ka të realizuara 60 role në kinematografi dhe teatër.
