Eksperti i kriminalistikës, Ervin Karamuço së fundmi për mes një reagimi ka paralajmëruar zhvillime të forta nga dekriptimi i mesazheve në aplikacionin “SKY”.
Karamuço është shprehur se nga ky aplikacion do të shtohen lista dita ditës pasi është i përfshirë edhe një ish-prokuror njëkohësisht edhe një politikan.
“Një tjetër ish prokuror dhe politikan po del i përfshirë në komunikimet e SKY ecc. Megjithëse lista po shtohet nga dita në ditë me emra të rinj dhe shumë interesant, na duhet të presim akoma për përfundimet e SPAK”, shkruan ai.
Më 27 korrik policia ndërmori kryen kontrolle në 16 banesa ku u sekuestruan para, armë, maska e kamera.
Ky grup kriminal akuzohet për vrasje, plagosje dhe një sërë krimesh të tjera. Në qeli është biznesmeni Pëllumb Gjoka, i cili dyshohet për vrasje me paramendim në kuadër të grupit të strukturuar kriminal.
Gjithashtu është arrestuar edhe ish-shefi i Forcave Operacionale Oltion Bistri për shpërdorim detyre dhe zbulim të akteve sekrete dhe kryeprokurori i Kukësit, Xhevahir Lita dhe 3 të tjerë të cilët janë të dyshuar për korrupsion.