Policia e Tiranës ka vënë në pranga Eldi Allushin, shoferin, i cili shkaktoi aksidentin te diga e liqenit artificial në orët e para të mëngjesit të kësaj të marte.
Makina luksoze me të cilën ai po udhëtonte, një “BMW X6”, ka qenë duke lëvizur në rrugën e ‘Kosovarëve’ me shpejtësi tej normave dhe më pas është ngjitur në maloren që ndan aksin me shëtitoren e liqenit, duke përfunduar në digën e liqenit.
Dyshohet se i riu mund të ketë qenë në efektin e alkoolit apo të substancave narkotike.
Ndërkohë media ka publikuar videon e aksidentit që ndodhi mëngjesin e sotëm në Liqenin Artificial në Tiranë.
Mjeti ka marrë para gardhin metalik dhe ka përfunduar në digën e liqenit. Aksidenti ka ndodhur në 05:12 minuta.
I riu pasi ndodhi aksidenti u largua, mori targat dhe dokumentet për të mos lënë gjurmë dhe u zhduk nga vendi i ngjarjes, por u identifikua disa orë më pas.
