Qeveria shqiptare po bën gati një ligj të ri. Këtë herë në shënjestër do të jenë qytetarët që hedhin plehrat në rrugë. Nismën e ka njoftuar vetë kryeministri Edi Rama në një postim në Facebook. Ai thotë se ndëshkimet për personat që hedhin mbetjet në rrugë do të futen në fuqi në vitin e ardhshëm.
“Në këtë kthesë të madhe historike për turizmin e për ekonominë shqiptare, ne s’do të lejojmë që sjellja e egër e një pakice individësh të pacipë, të dëmtojë Shqipërinë e rilindur turistike! Një paketë e re ndëshkimesh drastike ligjore për hedhësit e plehrave rrugëve, do të hyjë në fuqi maksimumi fillimvitin e ardhshëm” njofton Rama.
