Trupi i pajetë i një gruaje u gjet në bagazhin e një makine në “Piano di Sorrento”, në provincën e Napolit. Sipas disa dëshmitarëve, viktima u godit me thikë nga një burrë i veshur me të zeza teksa po hapte derën e makinës.
Pas vrasjes, trupi u fut në bagazh dhe burri u pa duke ikur me një motoçikletë. Gruaja kishte denoncuar ish-in e saj për përndjekje.
“Ishim në garazh për të kontrolluar punimet në ndërtim, kur dëgjuam britma torturuese, menduam për një grindje, pastaj britmat u bënë edhe më torturuese dhe në atë moment vendosëm të shkonim të shikonim.
Skena ishte e tmerrshme. Shkuam me vrap. Kur mbërritëm pamë diçka të frikshme. Kjo grua u godit me thikë. Një zonjë nga pallati përballë pa një burrë i cili iku me vrap, i veshur me të zeza, pantallona dhe këmishë të zezë me mëngë të gjata, me kapelë dhe njolla gjaku në dorë” thanë disa nga dëshmitarët shkruajnë mediat italiane.
