Autoritetet në Meksikë bëjnë me dije se kanë zbuluar trupat e pajetë të 34 personave të futur në qese që mbaheshin në frigoriferi dhe kuti akulli në 5 shtëpi të ndryshme në Veracruz.
Operacioni i policisë, në të cilin u përfshi dhe ushtria u realizua mëngjesin e së hënës në shtetin e Veracruzit, ndërkohë që në pranga kanë rënë dy burra dhe një grua që u gjetën në shtëpitë ku mbaheshin kufomat.
Zbulimi i tmerrshëm ndodhi rastësisht pas një shkëmbimi zjarri mes pjesëtarëve të një grupi kriminelësh dhe policisë pranë një prej ndërtesave ku u gjetën trupat e pajetë, më pas hetimet çuan në zbulimin e shtëpive të tjera.
