Ditën e sotme është zbardhur deklarata e plotë e tre ushtarëve të arrestuar në lidhje me skandalin e drogës në repartin ushtarak në Zall Herr.
Ata u lanë në burg edhe pas pretendime të tyre se e kishin të pamundur për të kontrolluar të gjithë zonën e repartit duke qenë se është disa hektarë tokë. Ushtarët më tej kanë shtuar se e kanë dërguar këtë ankesë edhe tek shefat e tyre.
Sipas dëshmive të tyre ata kanë kryer kontrolle më herët në zonë dhe nuk kanë gjetur asgjë të dyshimtë.
Pjesë e dosjes së zbardhur
Është pyetur shtetasi Erjon Hodaj, aktualisht i punësuar me detyrën e specialistit të planifikimit të punës të repartit ushtarak nr.1060 (detyrë që e ushtron që nga viti 2019). Ai ka sqaruar se kontrolli i territorit të brendshëm dhe hapësirës së gjelbër brenda këtij territori ishte detyrë e seksionit të zbulimit.
Janë pyetur shtetasit Ilir Dauti dhe Besmir Rama, me detyrë secili magazinier, të cilët kanë deklaruar se kanë marrë pjesë në kontrollin e territorit në një rast dhe gjatë këtij rasti nuk kishin konstatuar kultivim të bimëve narkotike.
Është pyetur shtetasi Artur Jaupaj, me detyrë ushtarak pranë Repartit Ushtarak 1060, me detyrë specialist infrastrukture dhe MNZH-ja dhe shërbente në këtë repart prej vitit 2006.
Ai ka deklaruar se ka marrë pjesë në kontrollet fizike të territorit në muajin qershor të vitit 2023 dhe gjatë këtyre kontrolleve nuk ka konstatuar bimë narkotike.
Rezulton se me detyrë shef i zbulimit për repartin ushtarak 1060 ishte shtetasi Gramoz Mullai. Pra rezulton se ishte në detyrat e tij funksionale zbulimi i aktivitetit criminal (atë të kultivimit të bimëve narkotike) që po ndodhte në repartin Ushtarak 1060.
