Greqia është përfshitë nga trazirat para ndeshjes para ndeshjes AEK-Dinamo Zagreb për kualifikueset e Champions League, pasi përplasja mes tifozëve jashtë stadiumit të AEK “OPAP Arena” është kthyer në një tragjedi me një të vdekur dhe disa të plagosur.
Mediat greke shkruajnë se si pasojë e këtyre trazirave ka humbur jetën një 29-vjeçar, tifoz i Aekut. Disa të tjerë u plagosën nga incidentet e dhunshme, mes tyre një 17-vjeçar.
Policia ka arrestuar 96 tifozë, mes tyre 82 kroatë, 1 austriak, 1 boshnjak, 1 shqiptar, 1 gjerman, 2 grekë.
Incidentet nisën mbrëmjen e së hënës kur tifozët e Dinamo Zagrebit të cilët u nisën me makina nga kryeqyteti kroat mbërritën në New Filadelfia.
Mediat vendase thonë se bashkë me huliganët e Dinamo Zagrebit jashtë stadiumit të AEK-ut ka pasur edhe tifozë të Panathinaikos dhe së bashku kanë sulmuar tifozët e AEK-ut që ndodheshin në OPAP Arena.
Organizatorët e Dinamos së bashku me tifozët e PAO, rreth 200 persona, kanë mbërritur me shpejtësi jashtë stadiumit dhe rreth orës 23:00 kanë sulmuar tifozët e AEK-ut dhe ka shpërthyer një përleshje e ashpër, me bomba molotov, shkop dhe sende të tjera. Huliganët tentuan të futeshin edhe në stadium, dyert e të cilit ishin të mbyllura.
