Policia e Shtetit dhe SPAK kanë zhvilluar një operacion në Tiranë, Shkodër dhe Kukës, në kuadër të të cilit ka vënë në pranga Oltion Bistrin, ish-shef i forcave operacionale, i larguar nga kjo detyrë para pak ditësh.
Në prangat e Policisë së Shtetit ka rënë edhe drejtuesi i Prokurorisë së Kukësit, Xhevahir Lita, si dhe Astmer Bilali, pjesë e bandës së Bajrave.
Gjithashtu është arrestuar biznesmeni Pëllumb Gjoka. Urdhër-arrestet e SPAK janë lëshuar për akuzat e “korrupsionit”, “shpërdorimit të detyrës” dhe “grupit të strukturuar kriminal”.
Ende nuk është konfirmuar se çfarë shkeljesh kanë kryer këta persona, por operacioni ka qenë shumë i gjerë dhe mund të jenë edhe persona të tjerë të arrestuar.
Policia e Shtetit dhe SPAK kryen përgjime si dhe u zbërthye aplikacioni i komunikimit “Sky” që “fundosi” dhe i çoi pas hekurave.
