Dy pilotë grek kanë humbur jetën në krye të detyrës, teksa po përpiqeshin të shuanin flakët në zonën e Karistos. Ngjarja e rëndë ka ndodhur mesditën e sotme dhe shkak për aksidentin është bërë terreni i vështirë, i rrethuar me flakët dhe i ndihmuar nga era e fortë.
Dy pilotët ndodheshin në një avion ujë-lëshues ‘Canadair’, por fatkeqësisht ata kanë vdekur në vend. Nga autoritetet vendase ka dyshime se mund të jenë më shumë se dy viktima.
Momenti kur avioni “Canadair” rrezohet ne Greqi/ © Credits Protothema.gr
Alarmi për rrëzimin e avionit është ngritur në zjarrfikëset në zonën e Platanistos. Canadair u rrëzua në një luginë në fshatin Potami dhe u humb nga radarët.
Canadair që u rrëzua është një CL-215, u ngrit nga Nea Aghialos Volos dhe si të gjithë Canadair të këtij lloji të vjetër (CL-215) nuk kishte asnjë sistem daljeje emergjence për kapitenin dhe bashkëpilotin.
Ditët e fundit Greqia është zhytur nën një periudhë të nxehtësisë ekstreme, duke shkaktuar zjarre masive në shumë pika turistike. Ndërkohë zjarrfikësit vazhdojnë luftën për shuarjen e flakëve.
