Një 25-vjeçare, punonjëse në një subjekt privat, është çuar pa ndjenja në spitalin e Pogradecit ditën e djeshme.
Pas referimit të ngjarjes nga mjekët në polici, kjo e fundit ka nisur hetimet dhe ka marrë në pyetje vajzën, pasi ajo ka marrë veten.
Nga deklarimet e vajzës rezultoi se ajo ishte ngacmuar seksualisht në vendin e saj të punës nga ish-inspektori i Tatimeve Arian Mema dhe për pasojë kishte humbur ndjenjat.
E gjithë ngjarja ka ndodhur teksa Mema ka qenë duke montuar panele diellorë në subjektin ku vajza punonte si pastruese.
