Pas tragjedisë në qytetin e Gramshit, ku katër shtetas, babai me dy djemtë e tij dhe kushëriri u mbytën në liqenin e Banjës , për mediat ka folur edhe përgjegjësi i zjarrfikësve të Gramshit, Ilir Llapushi.
Ai tha se asnjë nga viktimat nuk ka ditur dhe ata kanë tërhequr njëri-tjetër në tentativë për të shpëtuar.
Liqeni sipas tij ka disa gropa që janë hapur në momentin që është ndërtuar HEC-i që e bëjnë të rrezikshëm dhe ku askush që nuk di not nuk mund të lahet.
Llapushi shtoi se ata e patrullojnë zonën gjatë gjithë kohës, por sot për fat të keq ata nuk ishin aty,
“Babai me dy djemtë kanë ardhur për t’u larë dhe kanë tërhequr njëri – tjetrin. Të katërt nuk kanë ditur not dhe kanë mbytur njëri-tjetrin.
Këtu për fat të keq ka pasur disa gropa që janë në kohën kur është ndërtuar HEC-i. Ata janë gropa të menjëhershme dhe viktimat nuk e kanë ditur.
Liqeni është i thellë i gjithë, dihet që nuk duhet të hyjnë njerëzit që nuk dinë not, nuk vihen tabela.
Ne e patrullojmë zonën, por për fat të keq nuk erdhëm.
Këtu nuk ka rojë, nuk duhet të lahet njeri. Asnjë që nuk di not nuk duhet të futet të lahet, sidomos nëpër liqeni, sepse ata janë më të rrezikshëm” tha ai.
