Arbenita Ismajli edhe pse pas një situatë jo fort të këndshme me partnerin e saj reperin kosovar Fero nuk mungon në rrjetet sociale.
Duket sikur çdo postim që modelja zgjedh të ndaj me fansat e saj në rrjete sociale është një thumb i mirë menduar për Feron pasi së fundmi ajo ka shpërndarë një fotografi në InstaStory ku shkruan:
“Imagjinoni të lëndoni një vajzë, që Zoti ua ka dërguar për t’iu shëruar”.
Javën e kaluar u raportua në media se këngëtari ka ushtruar dhunë ndaj modeles dhe si rezultat ata përfunduan në dyert e gjykatës.
Në bazë të raportit të Prokurorisë, aty thuhet se për afro 100 ditë, ndaj Arbenitës janë ushtruar forma të ndryshme të dhunës.
Kujtojmë që reperi aktualisht ndodhet në paraburgim, ndërsa modelja po vazhdon të marrë vëmendje me postimet në rrjete sociale.
