Në vend që të merrej me ata që marrin rrogën, por as që e dinë se ku ndodhet RTSH-ja, kapter Peza ka nisur ‘gjuetinë e shtrigave’ ndaj atyre që punojnë, duke përdorur pretekste banale…
Kapteri Alfred Peza, fill pas emërimit në mënyrë të paligjshme në krye të RTSH-së nga Babloku, ka nisur inspektimet dhe ‘rreshtoret’ në institucionin publik si të ishte një repart ushtarak.
Dihet që RTSH është një oaz ku vegjetojnë dhe marrin rrogën pa shkuar kurrë në punë familjarë të pushtetarëve, dashnore të deputetëve dhe ministrave, dhëndurë, halla, teze e familjarë të tjerë të personazheve me akses tek pushteti.
Por, në RTSH ka edhe gazetarë, montazhierë, kameramanë me përvojë, që punojnë edhe për pjesën tjetër që vegjeton.
Kjo kategori është habitur kur dera e tyre e zyrës hapej befasisht nga kapter Peza, i cili fuste kokën si fuks, duke mbajtur shënim për prezencën, rregullsinë e zyrës etj.
Në vend që të merrej me ata që marrin rrogën, por as që e dinë se ku ndodhet RTSH-ja, kapter Peza ka nisur ‘gjuetinë e shtrigave’ ndaj atyre që punojnë, duke përdorur pretekste banale.
Javën e fundit kapter Peza ka nisur fushatën e shkarkimeve të gazetarëve dhe punonjësve me përvojë, duke i zëvendësuar me eskorta, mikesha të tij, dashnore të pushtetarëve, taraf etj.
Shkarkimet do të sjellin kosto financiare, pasi viktimat e veprimeve arbitrare të kapterit do t’i drejtohen gjykatës. Dhe për çdo veprim korruptiv dhe shpërdorim, Peza e di se e merr SPAK-u në dorë, pasi ka qenë deputet.
Pamfleti do të sjellë në vijim të gjitha lëvizjet me emra.
Po të kishte drejtësi në Shqipëri, kapter Peza nuk do të ishte sot në krye të RTSH-së, por në burg për pastrim parash.
Me një rrogë të deklaruar 600 mijë lekë të vjetra, Peza bleu 1 milionë euro aksione në një bankë të nivelit të dytë.
Peza arriti të korruptojë segmente të drejtësisë duke mbyllur dosjen, edhe pse në sytë e publikut imazhi i tij si hajdut është solid. Meqenëse kapteri ka qenë deputet, SPAK duhet të hetojë se si Peza e mbylli dosjen dhe justifikoi 1 milionë euro me rrogë 600 euro.
Peza ka qenë deputet i PS-së, i emëruar nga Rama. Si deputet, mbahet mend për binjakëzimin e skuadrës së Shkumbinit me ekipin italian të Lazios.
Peza mori goditje të rëndë me aferën financiare, ndërsa gjeti punë te Irfani. Kur Edi Rama u prish në pazare me Irfan Hysenbelliun dhe i çoi fadromat tek hoteli që kishte shtrirë deri në det, Peza doli kundër Ramës, pasi Irfani e kishte marrë në punë.
Të gjithë e mbajnë mend kapterin kur doli para kamerave duke folur për veprime arbitrare dhe paligjshmëri nga pushteti.
Irfani, edhe ky ish- kapter, i kishte premtuar Pezës se do ta bënte drejtor të një televizioni të ri që do hapte, Panorama Tv.
Por nga lufta me Bablokun, Fanes iu hollua xhepi. Irfani gjeti dikë me kosto më të ulët dhe kështu kapter Peza u hodh sërish në krahët e Bablokut. Ky i fundit e bëri drejtor të RTSH-së./Pamfleti
