Sot ka dalë para drejtësisë në Greqi, shqiptari që dy ditë më parë vrau shokun e tij, Shpëtim Bajrami.
Ai e qëlloi me 3 plumba në afërsi të një karburanti në Selanik mesditën e së enjtes (13 korrik) pas një debati mes tyre.
Dëshmitarët pranë vendit të ngjarjes treguan se nga viktima dëgjuan fjalët “më jep lekët e mia” dhe më sherri agravoi në plumba.
Pasi u dorëzua autori tha se “kohët e fundit kam marrë kërcënime serioze për jetën nga viktima. Ka pasur dy incidente të dhunshme ndaj meje nga viktima dhe jashtë karburantit jam sulmuar sërish nga ai” u shpreh 45-vjeçari, që akuzohet për vrasje.
Viktima dhe 45-vjeçari, me precedentë penalë, njiheshin me njëri-tjetrin dhe ishin ulur së bashku në një lokal pak para krimit.
Ata janë konfliktuar në lokal dhe më pas janë larguar me makinat e tyre. Disa prej mediave greke një nga pistat që kanë përmendur ka qenë edhe trafiku i drogës.
