Prokuroria e Posaçme ka mbledhur prova të shumta kundër ish-zv/ kryeministrit Arben Ahmetaj në lidhje me dosjen e inceneratorëve.
Dy bosët e djegësave Klodian Zoto dhe Mirel Mërtiri i kanë dhënë gati 500 mijë euro pasuri dhe i kanë paguar shumë udhëtime Ahmetajt.
SPAK gjatë kontrolleve që ka bërë në vilat në Hamallaj dhe Palasë ka gjetur një telefon që pretendon se është i deputetit socialist.
Nga hapja e telefonit kanë rezultuar 138 biseda telefonike me Mërtirin dhe mbi 3 mijë mesazhe të shkëmbyera.
Në biseda sipas SPAK-ut është folur nga 2012 dhe deri në vazhdim për aferën e inceneratorëve dhe jo vetëm.
Në bisedat telefonike dalin edhe emra të tjerë të njohur, ish-kryebashkiakë dhe deputetë socialistë.
