Një tragjedi është parandaluar në Shëngjin ditën e sotme pasi një pushuese 40-vjeçare është shpëtuar nga mbytja.
Ngjarja është regjistruar në zonën e Kune Vainit. 40-vjeçarja është dërguar menjëherë në urgjencën e spitalit të Lezhës për ndihmë mjekësore. Mësohet se ajo ka konsumuar shumë ujë.
Ky është rasti i tretë i regjistruar ku pushues nga Kosova rrezikojnë të mbyten në bregdetin e Shëngjinit.
Ndërkohë ditën e sotme në Kavajë u regjistrua një ngjarje e rëndë ku mbetën të vdekur 3 pjesëtarë të familjes Halilaj pasi u mbytën në det nga dallgët.
