Një ngjarje e rëndë ka ndodhur në plazhin Vilë-Boshtovë. Mësohet se babai dhe dy djemtë e tij të mitur janë mbytur në det.
Shërbimet Detare kanë ndërhyrë për t’i shpërtuar por të tre shtetasit kishin ndërruar jetë si pasojë e rrymave detare.
“Më datë 09.07.2023, në plazhin Vilë-Boshtovë, duke notuar në det janë mbytur tre shtetas, pjestarë të së njëjtës familje (babai rreth 55 vjeç, dhe dy djemtë e tij të mitur rreth 13 dhe 15 vjeç).
Shërbimet e Njësisë Policore Detare kanë ndërhyrë për t’i shpërtuar por të tre shtetasit kishin ndërruar jetë si pasojë e rrymave detare.
Në vendngjarje ndodhet grupi hetimor dhe po punon për sqarimin e plotë të rrethanave të ngjarjes“, thuhet në njoftimi e Policisë.
Kujtojmë që vetëm një ditë më herët ABC News vëzhgoi mungesën e Rojeve Bregdetare përgjatë vijes detare të Durrësit, ndër më të frekuentuarat në vend.
