Një fat tragjik i shoi buzëqeshjen Klaudio Mirashit në moshën vetëm 23 vjeçare. I riu ishte në Barcelonë javën e kaluar, sapo kishte shoqëruar kushëririn dhe një mikun e tij në aeroport, por gjatë kthimit ndodhi një tragjedi e cila e largoi atë nga dashuria e të dashurve të tij, shkruajnë mediat italiane.
Aksidenti
Klaudio po ngiste një Mercedes Class A kur, përgjatë autostradës që lidh aeroportin me qendrën e Barcelonës, një copë llamarine u shkëput nga kamioni që udhëtonte përpara tij, duke thyer xhamin e përparmë duke e goditur në qafë 23-vjeçarin.
Pasi u dërgua në spitalin e Barcelonës, 23-vjeçari qëndroi në koma deri kur vidq. E hënë 3 korrik dita zyrtare e vdekjes. Në xhamin e përparmë ka mbetur një çarje prej 30 cm e shkaktuar nga llamarina që vrau Klaudion teksa ngiste makinën. Një tragjedi në rrugën që autoritetet katalanase po hetojnë tani.
Viktima
Klaudio Mirashi ishte i njohur në Villorba, familja e tij me origjinë nga Shqipëria kishte mbërritur në provincën e Trevisos në vitin 2006, duke gjetur një shtëpi në kufirin midis fshatrave Fontane dhe Carità.
Klaudio kishte ndjekur institutin Giorgi në Treviso, duke marrë diplomën trevjeçare. Pas studimeve iu përkushtua pasionit të tij të madh, futbollit, duke luajtur për Villorba, Treviso dhe Chievo derisa një dëmtim i rëndë e detyroi të braktisë ëndrrën për një karrierë në botën e futbollit.
Muajt e fundit ai ishte në kërkim të një pune. E vajtojnë nëna Mimoza, babai i tij Kol dhe motra Klaudia. Në 7 korrik, arkivoli u kthye në Itali me një fluturim nga Barcelona në Venecia. Dje u përcoll për në banesën e fundit.
