Deputeti i Partisë Socialiste Rrahman Rraja dha sot dorëheqjen duke njoftuar se largohet përgjithmonë nga politika, dy ditë pas dhunës barbare që djali i tij, Rexhepi dhe të afërm të tjerë ushtruan ndaj vëllezërve të fisit Maja.
Por kush është deputeti që pritet të zërë vendin e Rrajës në Kuvend?
Ai është Arkend Balla, i cili në zgjedhjet e fundit parlamentare garoi nën logon e Partisë Socialiste për qarkun e Durrësit. Balla renditej i 12-ti në listë dhe arriti të marrë një total prej 2463 votash.
Vëllezërit Maja ishin ankuar për shpërthimet në gurore, duke kërkuar që të ndaloheshin pasi po dëmtonin shtëpitë pranë zonës, por fisi Rraja u kundërpërgjigj duke i dhunuar brutalisht me shkopa bejsbolli.
Po ditën e sotme, pas takimit që ministri i Brendshëm Bledi Çuçi pati me kreun e Policisë së Shtetit Muhamet Rrumbullaku, u vendos ristrukturimi i plotë i Komisariatit të Krujës.
