Kryeministri, Edi Rama ka mbërritur pak minuta më parë në Serbi. Ndërkohë në këto momente Rama është pritur nga presidenti serb, Aleksandar Vuçiç.
Takimi do të mbahet në Vila Mir dhe më pas Vuçiç dhe Rama do të drejtohen para mediave.
Kryeministri më herët gjatë ditës së sotme ka vizituar Sarajevën dhe Podgoricën, ndërsa dje ka qëndruar në Shkup dhe Prishtinë.
Rama po viziton rajonin si pjesë e përgatitjeve për Procesin e Berlinit, të cilin Tirana do ta kryesojë në tetor.
