Një muaj pasi u qëllua me thikë nga burri, Marjola Myrtollari nga Korça ndërroi jetë në spitalin e “Traumës” në Tiranë. Ajo nuk mundi që t’u mbijetojë plagëve të rënda që mori nga bashkëshorti.
Aleko Myrtollari mbrëmjen e 4 qershorit pas debatit në familje e qëlloi me thikë disa herë dhe më pas u arratis, por u dorëzua disa ditë më pas duke deklaruar se debati në familje agravoi për arsye xhelozie.
Në momentin kur nisi konflikti mes tyre, ata nxorën 3 fëmijët e mitur nga banesa dhe më pas 46-vjeçari e goditi bashkëshorten e tij, Marjola disa herë me thikë.
Ishte vajza e tyre e madhe që u përball me skenën e rëndë dhe njoftoi policinë.
38-vjeçarja u dërgua në spitalin e Korçës por për shkak të përkeqësimit të gjendjes së saj, të martën (6 qershor) u transportua me helikopter drejt Traumës ku sot ndërroi jetë.
