Një ngjarje e rëndë është regjistruar një ditë më parë në Itali. Mësohet se nga një për shkak të një aksidenti kanë humbur jetën 2 persona mes tyre një nëne të re.
Ngjarja e rëndë u regjistrua në qendër të Pesaros në Itali, ku mjeti tip ‘BMW’ me dy persona, tentoi t’i largohej patrullës policore, e më pas goditi një mjet tjetër.
Nga aksidenti u plagosën 3 persona.
Mjeti tip ‘BMW’ e zezë e drejtuar nga 27-vjeçari maqedonas, Sulltan Ramadani i shoqëruar nga shoku i tij, shqiptar Elvis Cola nga Montecalvo në Foglia, të dy të njohur për drejtësinë, u përplas me një Fiat 500 X me tre të rinj nga Vallefoglia.
Përplasja hodhi makinën e djemve në kanal, në një distancë prej të paktën 10/15 metra.
Pasagjerja, Martina Mazza, 31 vjeç, nënë e një djali 5-vjeçar, ndërroi jetë menjëherë. Motra Alessia që drejtonte makinën dhe shoku Kevin u plagosën rëndë.
Për shoferin, 27-vjeçarin Ramadani, nuk mund të bënin asgjë. Ai gjeti vdekjen e menjëhershme. E po ashtu u plagos rëndë shoku i tij.
Patrulla e pa aksidentin si dhe pesë shoferë të tjerë të gatshëm për të dëshmuar. Hetuesit nuk përjashtojnë që shoferi të ketë humbur kontrollin e makinës për shkak të shpejtësisë së çmendur me të cilën e kishte nisur.
