Pak ditë një kontroll i Policisë së Shtetit në kampin e muxhahedinëve në Manzë të Durrësit u shoqërua me tensione të mëdha, ku anëtarët e MEK pretenduan se forcat e policisë vranë një pjesëtare të tyre.
I ftuar në Abc News, eksperti i kriminalistikës, Ervin Karamuço ka bërë një deklaratë të fortë ku tha se tha se dyshohet se MEK nuk ka sulmuar kibernetikisht vetëm Iranin, por edhe disa vende të tjera në NATO-s.
“Izraelitët janë miq me MEK. Kanë bashkëpunuar në drejtim të qeverisë islamike aty. Nuk shikoj ndonjë gjë emergjente për shkuar aty. Kryeministri ka edhe informacione të tjera që sulme kibernetike nuk do të na vijnë vetëm nga Irani, por edhe nga bota sllave që ka krijuar Putin. Një nga modulet që bën spiunazhi është deziformimi dhe patjetër që ka një miratim të SHBA për t’i moderuar.
Ka ndryshuar marrëdhënia mes SHBA dhe Iranit, e një nga kushtet është thënë:
“ju do vazhdoni që një vend të NATOS të mbani ato që sulmojnë institucionet e Iranit”.
Dyshohet se MEK nuk ka sulmuar vetëm Iranin, por edhe shtete të tjera të NATO-s që ende nuk dihet. Janë bërë dy kontrolle në kampin e MEK. I pari është bërë vjet për lëndë narkotike, nuk është bërë asnjë rezistencë.
Këtë vit, pjesa e parë ishte dakordësi e plotë me drejtuesit, kur nisi kontrolli në objektet ku ishin serverat nisi rezistenca. Çfarë i fsheh ti qeverisë shqiptare që të kanë mbajtur gjithë këto vite? Sjellja e tyre është shumë e dyshimtë. Edhe ai personi që ka vdekur ka vdekur para se të niste operacioni”, tha Karamuço.
Gjithashtu eksperti i sigurisë theksoi se kampi i MEK, nuk është një organizatë humanitare. Por ai është një repart ushtarak i drejtuar nga kupolë prej 6-7 personash. Dhe sipas tij duan ta shfaqen identitetin dhe këto policia kërkon t’i mbajë në survejim.
