Gazetari Arian Çani ka surprizuar të gjithë ndjekësit e emisionit të tij këtë të premte. Ndryshe nga 800 e ca emisione “Zonë e lirë” të realizuara në 20 vjet në ekrane të ndryshme ku ai ka dale me bluzë dhe xhaketë të zezë, këtë herë ka qenë ndryshe: Çani u shfaq me këmishë të bardhë.
Vetë Çani ftoi publikun të dërgonte SMS për arsyet e këtij ndryshimi të pamjes. Nuk dihet nëse kjo bëhet vetëm për arsye publiciteti dhe tërheqjeje të vëmendjes duke qenë se emisioni i tij nuk ka më një audiencë të kënaqshme.
Bashkë me të, këmishë të bardhë kishin veshur edhe 3 të ftuarit e tij të përhershëm Ervin Karamuço, Arjan Curri dhe Ilir Kulla. Vetëm regjisori Hervin Çuli që gjithashtu është i ftuar i përhershëm i këtij emisioni nuk kishte pranuar të vishej me të bardha.
