Kuvendi i Shqipërisë ka filluar që të mendojë për gazetarët duke hapur procedurën për ndërtimin e një vendqëndrimi në hyrje të Kryesisë së Kuvendit.
Nuk është ndonjë investim kushedi se çfarë, por shuma nuk është e vogël. 21 milionë lekë pa TVSH për të ndërtuar një konstruksion, skelë metalike e thjeshtë me fasadë, pleksiglas me strukturë alumini.
Gara është hapur dje dhe mbyllet në 30 qershor. Objekti sipas parashikimeve do të jetë gati brenda 42 javëve. Në 2021-shin Kuvendi vendosi t’i nxjerrë jashtë gazetarët.
Por pas protestave Byroja e Kuvendit reflektoi dhe miratoi ndryshimet në Rregullore duke përfshirë pjesën më të madhe të kërkesave të reporterëve të terrenit, të cilët nuk ishit dakord me përjashtimin e tyre nga ndjekja e komisioneve parlamentare fizikisht.
