Gazetari Artan Hoxha ka deklaruar se shtetasja A.K, e cila shfaqet në video skandalin e Safet Gjicit, ka kërkuar mbrojtje nga autoritetet.
I ftuar në emisionin “Të Paekspozuarit” në MCN TV, Hoxha zbuloi se A.K është kërcënuar.
Ajo nuk është marrë në mbrojtje dhe nuk është lejuar as të nxjerrë fëmijën e saj nga Shqipëria.
“Ajo ka kërkuar mbrojtje. Ajo është kërcënuar. Por nuk është në këtë moment në mbrojtje.
Ka tentuar të çojë fëmijën e vet te familjarët, diku ngjitur me Shqipërinë dhe nuk e kanë lejuar.
Jeta e saj dhe familjes së saj duhet garantuar. Pa atë ky proces është i dështuar. Ajo mund të tërhiqet për shkak të presionit.
Kam biseduar me të në telefon. E kanë kërcënuar dhe nuk ka asnjë mbrojtje sot.”, deklaroi Hoxha.
