Safet Gjici po përjeton orë të vështira. Video-skandali që doli dje e rrëzoi brenda pak minutave duke e dërguar drejt dorëheqjes që u pasua edhe me shkarkim nga qeveria.
Por gojën e njerëzve nuk e mbyll dot me këtë vendim. Komentet nga më të ndryshmet kanë qenë të shumta në faqen e tij në Facebook në postim e dorëheqjes.
Në një moment bllokoi komentet, më pas filloi ti fshinte, por “lumin” nuk e ndali dot. Në fund Safet Gjici mbylli llogarinë zyrtare në rrjetin social Facebook.
Nëse kërkon në Facebook emrin e tij, “Safet Gjici Faqja Zyrtare”, të dalin vetëm artikuj dhe postime që lidhen me emrin e tij, por jo llogaria zyrtare.
