Pasi festuan një natë të shfrenuar në Ibiza, yjet e Manchester City bashkë me trajnerin Pep Guardiola zbarkuan në qytet për paradën e madhe me tifozët.
Tripleta është një ngjarje unikale që qyteti e ka përjetuar për herë të parë në vitin 1999 me suksesin e United por tani është radha e bardhekaltërve.
Këto janë vetëm disa nga detajet e festës së kampionëve të Europës në detin bardhekaltër të tifozëve që ka rrethuar qytetin.
Pep Guardiola dukshëm i shpenguar është dëgjuar disa herë duke i bërë thirrje këngëtarit dhe tifozit Noel Gallagher të braktisë turneun në SHBA dhe të bashkohet me skuadrën për festimet.
Në krahun tjetër, Haaland nuk është përmbajtur për asnjë moment madje ai është një nga emrat më të thirrur nga tifozët që kanë mbushur pothuajse të gjitha rrugët kryesore.
Erling Haaland, John Stones, Ilkay Gundogan, Ruben Dias, Aymeric Laporte, Nathan Ake dhe Stefano Ortega zbritën nga autobusi duke shijuar edhe një xhiro me tramvaj.
Ndërsa ky është Jack Graelish në gjendje të “kthjellët”.
