TIRANË- Prokuroria e Posaçme ka dhënë pretencën duke kërkuar dënimin me 10 vite burg për ish-ministrin Lefter Koka në lidhje me inceneratorin e Fierit dhe 7 vjet burg për ish-sekretarin e Ministrisë së Mjedisit, Alqi Bllako.
Të dyve iu është pranuar gjykimi i shkurtuar dhe nëse do shpallen fajtorë, ata do të dënohen përkatësisht me 6.8 dhe 4.8 vjet burg. SPAK akuzon Kokën e Bllakon për korrupsioni, shpërdorim detyre dhe pastrim parash.
Për administratorin e inceneratorit të Fierit, Klodian Zoton, është kërkuar dënim me 12 vjet burg, por për shkak të gjykimit të shkurtuar, ai përfiton ulje dënimi me 1/3. Nësë gjykata pranon kërkesën e prokurorisë, atëherë Zoto do të dënohet me 8 vjet burg. Kurse për të pandehurin tjetër, Arben Dervishaj është kërkuar 4 vjet dhe me gjykim të shkurtuar ky dënim i ulet në 2,8 vjet burg.
Të pandehur janë marrë edhe anëtarë të komisionit të vlertësimit të ofertave për shpërdorim detyre dhe disa administratorë të kompnaive që kanë kryer punime për ndërtimin e inceneratorit që akuzohen se kanë krijuar skema fiktive duke dorëzuar fatura fiktive për punime të pa kryera. Seanca e radhës do të mbahet më 19 qershor.
Pretenca e SPAK:
- Lefter Koka 10 vjet
- Alqi Bllako 7 vjet
- Klodian Zoton 12 vjet
- Arben Dervishajn 4 vjet
- Arjola Kodra 3 vjet
- Sabina Cenameri 4 vjet
- Florjan Mucaj 3 vjet
- Azem Shatëri 3 vjet
- Regan Merdani 4 vjet
- Gentian Zifla 4 vjet
- Erjon Murataj 4 vjet
- Loran Dushani 8 vjet
- Juri Ymeri 7 vjet
- Arbër Denizi 7 vjet.
- Për Giusepe Ciaffglione, Etleva Kondi, Arenc Myrtezanin (procesi është veçuar për shkak se do të vijojë me gjykim të zakonshëm).
