Mariglen Disha ka marrë zyrtarisht detyrën e re si Kryetar i Bashkisë së Librazhdit. Ditën e djeshme në zyrën e këshillit bashkiak, teksa është konstituar këshilli i ri bashkiak, është bërë dhe betimi i Mariglen Dishës si bashkiak i ri i Librazhdit.
Kujtojmë që Disha doli fitues në zgjedhjet e 14 Majit me një fitore të thellë ndaj rivalit të kualicionit ‘Bashkë Fitojmë’ me plot 10 364 kundrejt vetëm 3 557 vota të marra nga rivali Shefki Cota.
Në fjalën e tij Disha u shpreh tej mase mirnjohës ndaj qytetarëve të tij për besimin e dhënë me votë për të dhe për Partinë Socialiste dhe se do të jetë cdo ditë në zyrën e kryetarit të bashkisë për të kthyer besimin e marrë tek cdo votues me punë të mira për komunitetin dhe shërbime korrekte dhe të lehtësuara për qytetarët e bashkisë Librazhd.
