West Ham është fitues i Conference League duke mposhtur në limit të kohës 2-1 Fiorentinën.
Italianët kështu humbasin finalen e 2 në Europë pas Romës, që u mposht nga Sevilla.
Sa i përket ndeshjes, pjesa e parë u mbyll pa gola ndërsa duhet të vinte minuta e 61′ kur falë një penalltie West Ham kaloi në epërsi me autor Said Benrahma.
Megjithatë avantazhi i anglezëve zgjati vetëm 5 minuta pasi Bonaventura barazoi shifrat.
Kur u mendua se ndeshja do t’i drejtohej shtesave, Jarrod Bowen realizoi në limit duke i dhuruar suksesin West Ham.
