Pjesë e programit që do të transmetohet gjatë verës “Kepi i VIP-ave” është edhe këngëtarja Keisi Medini, vajza e Sabianit dhe ish-banorja e “Big Brother Vip 2”.
Kjo gjë është konfirmuar nga fotot e publikuara në “InstaStory”, ku shihet në të njëjtin resort në Bodrum të Turqisë, ku po kryen xhirimet e “Kepit të VIP-ave” dhe ndodhen edhe personazhet e tjerë.
Më herët u mësua se pjesë e “Kepit të VIP-ave” janë edhe Livia Brunga, konkurrenten e Për’puthen dhe Erisa Haxhiu, Miss Prishtina 2020.
Gjithashtu nuk ka më dyshime dhe në lidhje me pjesëmarrësit e tjerë si Ronaldo Sharka, Jori Delli, Gerti Koxhaj dhe Mevlan Shaba, ndërsa moderatore do të jetë Kiara Tito.
Pritet që në ditët në vijim të ketë edhe zbulime të tjera për personazhet që do marrin pjesë, si dhe për datën se kur do nisë puntata e parë.
