Javën e fundit është folur se Shehi do të largohej nga klubi kryeqytetas dhe pritej të vazhdonte karrierën e tij te Shkëndija.
Por, klubi i Tiranës ka bërë dje në mbrëmje njoftimin e rëndësishëm, duke konfirmuar trajnerin durrsak edhe për sezonin e ardhshëm në krye të stolit.
Njoftimi i plotë:
“Klubi i Futbollit Tirana njofton arritjen e marrëveshjes me trajnerin Orges Shehi. Pas bisedimeve mes palëve, klubi dhe tekniku vendosën të vazhdojnë bashkëpunimin mes tyre.
Presidenca dhe drejtori teknik i skuadrës Tefik Osmani shprehin falenderimet për profesionalizmin dhe punën e madhe që trajneri i dy vjeçarit të fundit ka bërë me ekipin si edhe kënaqësinë të vijojnë të kenë Orges Shehin në krye të pankinës së KF Tirana. Të bindur se ky do të jetë hapi i parë i sigurt drejt projektimit të një skuadre solide dhe kampione. I urojmë suksese trajnerit në vazhdimësinë e punës së tijn nën stemën bardheblu.
