Komisioni i Ankimimeve dhe Sanksioneve i ka lënë afat koalicionit “Bashkë Fitojmë” për bashkinë Belsh deri të hënën që të këqyrë materialet filmike dhe të paraqesë si prova fletët e votimit me pamje.
E duket se nga kqyrja e pamjeve janë gjetur fakte që vërtetojnë manipulimin e procesit zgjedhor në favor të kandidatit socialist Arif Tafani.
Deputeti demokrat, Dashnor Sula ka publikuar në rrjetet sociale, disa foto që tregojnë se tek kuadrati ku duhej vendosur shenja “X” ose “+”, votuesit kanë shënuar numri “1”, numrin “10”, kanë shkruar “PS” apo kanë vendosur firmën e tyre në kuadrat. Këto fletë votimi duhet të ishin quajtur të pavlefshme, por sipas deputeti ato kanë kaluar për kandidatin e Partisë Socialiste, Arif Tafani.
Sipas Dash Sulës, ata të cilët i kanë numëruar si fletë të rregullta duhet të mbajnë përgjegjësi ligjore.
Postimi i plotë:
Fletet e votuara për Arif Tafanin në Belsh të shenjuara si bandat kriminale lëndën narkotike.
Vjedhja mbi 800 mijë euro (për të cilën ka një dosje në SPAK), vetëm te projekti i Rilindjes Urbane në Belsh, fryrja e administratës së bashkisë nuk i mjaftuan kandidatit të PS në Belsh për të manipuluar rezultatin e zgjedhjeve më 14 Maj.
Më poshtë do të shikoni fakte se si kryebashkiaku i PS ka përdorur të njëjtën skemë me shenjimin e votes, si bandat kriminale kokainën.
Këto fletë votimi janë numëruar si të vlefshme për z. TAFANI ndonëse ka elementë të qartë që identifikojnë votuesin. Për rastet kur z. 800 mijë euroshi nuk ka patur besim tek qytetarët që i intimidon me ndihmë ekonomike, ka kërkuar shenjime të veçanta për secilin votues të dyshuar.
Siç mund ta shikoni kutia përbri kandiatit në fletën e votimit është e shënjuar në mënyrë të veçantë për të identifikiar personin qe e di vetëm kryebashkiaku dhe patronazhisti.
Ky skandal më së pakti përmbush të gjitjë elementët që fletët të quheshin të pavlefshhme. Ndërsa ata të cilët i kanë numëruar si fletë të rregullta duhet të mbajnë përgjegjësi ligjore.
Në një bashki si Belshi ku kryebashkiaku ekzistues pretendon se ka fituar por me një rezultat shumë të ngushtë, këto shërbejmë si fakte të mjaftueshme për të patur rinumërim të të gjithave kutive të votimit, ato që janë konsideruer të vlefshme, ato të pavlefshmet dhe ato që janë të dyshimta.
Këto janë fakte të mjaftueshme për KAS të hënën që të vendos rihapjen e kutive për bashkinë Belsh. Pavarsisht çdo makinacioni të z. 800 mijë euroshi, banorët e bashkisë Belsh e kanë refuzuar dhe kanë vendosur për ndryshim. Këtë do e konfirmojë rihapja e kutive!
Ndërkohë të hënën do të faktohet me prova konkrete se si në shumë qendra votimi fletët e votimit ku qytetarët kanë votuar për kandidatin Bedri Qypi nuk është vendosur njëra nga vulat me qëllim për të bërë fletën e pavlefshme. Kjo është bërë te fletët e kandidatit për Kryetar Bashkie jo te fletët që është votuar për keshillin Bashkiak.
