Ambasadorja e SHBA-së në Tiranë, Yuri Kim ka reaguar ashpër pas lirimit të Saimir Tahirit nga qelia. Diplomatja amerikane e cilëson vendimin e gjykatës së Elbasanit shumë zhgënjyes dhe paralajmëron se do të ketë pasoja.
“Shumë zhgënjyese të shohësh se mënyrat e vjetra të mosndëshkimit dhe privilegjimit për disa vazhdojnë në sistemin e drejtësisë. Këto mënyra të vjetra nuk janë të përshtatshme për një aleat të NATO-s dhe aspirantëve të BE-së dhe ato duhet të refuzohen me vendosmëri. SHBA e konsideron korrupsionin si një kërcënim thelbësor të sigurisë kombëtare.
Ata që merren me dhënien ose pranimin e kërcënimeve dhe nxitjeve – për shembull, për të ndihmuar miqtë e fuqishëm – duhet të kuptojnë se veprimet e tyre do të kenë pasoja” shkruan Yuri Kim në rrjetet sociale pas vendimit të sotëm të gjyqtares Matilda Fetahu, e cila vetëm 4 ditë më parë kaloi vettingun.
