Një megaoperacion është zhvilluar sot në Krujë ku janë zbuluar 3 parcela drogë.
Në operacion morën pjesë 100 punonjës policie të Komisariatit të Policisë Krujë dhe të Forcës së Posaçme Operacionale e DVP Durrës, 6 grupe të FNSH Tiranë dhe 5 dronë.
Droga është zbuluar në fshatrat Kuçaj, Zezë dhe Verjon ku ishin të kultivuara 685 fidanë cannabis sativa.
Policia ka identifikuar dhe shpallur në kërkim një nga autorët e dyshuar 53-vjeçarin me inicialet A. D. Vijon puna për identifikimin dhe arrestimin e shtetasve të tjerë të përfshirë në këtë veprimtari kriminale.
Fidanët dhe bimët e dyshuara narkotike u asgjësuan me anë të djegies, ndërsa një pjesë e vogël e tyre u sekuestrua në cilësinë e provës materiale.
Materialet procedurale i kaluan Prokurorisë për veprime të mëtejshme, për veprën penale “Kultivimi i bimëve narkotike”.
