Familjarët e 27-vjeçarin Jani Rustemi, i cili ndërroi jetë ditën e djeshme pas më shumë se një muaji në koma kanë dalë ditën e sotme në protestë para Ministrisë së Drejtësisë.
Ata pretendojnë se i riu është dhunuar në mënyrë barbare nga efektivët e policisë dhe kërkojnë drejtësi për djalin e tyre i cili ra në koma pasi u arrestua nga policia më 12 prill për vjedhjen e një tapeti e një palë atletesh.
Babai i të ndjerit akuzon shtetin ndërsa e ëma shprehet se djali i saj nuk vuantë nga asnjë sëmundje ndërsa sot ka parë që ai kishte dhëbët e thyer e veshin të nxirë.
“Dyshimet e mia janë se atë e ka vrarë shteti. Nuk e di se nuk po më jep njeri përgjigje se kush ma ka vrarë djalin dhe ai person të mbajë përgjegjësi. Kemi dhe dyshime, ne duam drejtësi. Ai ka vdekur nga dhuna.” tha babai i tij.
“E kam pas djalin si kokrra e mollës dhe ma sollën me arkivol. Dua drejhtësinë e djalit tim. Nuk vuante nga asnjë lloj sëmundje. E kontrollova djalin, kishte dhëmbin e thyer, veshin e zi stërrë se në spital nuk më linin policët ta kontrollonim,” tha nëna e viktimës.
